prowerb story - Lena Ak Dena Do

Lena Ak Dena Do - prowerb story hindi


Lena Ak Dena Do
Lena Ak Dena Do


ek pokhar ke pas ek mor aur kachhua sath sath rahte the। mor ped par rahta aur dana chugga kha kar prasann rahta। uska mitr kachhua pokhar men rahta aur bich bich men pokhar se bahar nikal kar mor ke sath der tak baten karta। ek bar us sthan par ek baheliya aya aur usne mor ko apne jal men phansa liya। vah mor ko bechne ke liye hat ki or le jane laga। es par mor ne baheliye se bde katar svar men kaha, “tum mujhe jahan chahe marji le jao। lekin, jane se pahle main pokhar men rahne vale apne mitr kachhua se milna chahta hun। phir to usse kabhi mulakat hone se rahi। baheliya raji ho gaya।

mor ko bandi halat men dekh kar kachhua bahut dukhi hua। usne baheliye se kaha, “yadi tum mere mitr mor ko chhod do to main tumhen ek kimti uphar dunga। baheliya man gaya। kachhua ne talab men ek dubki lagai aur munh men ek kimti hira le kar bahar a gaya। baheliye ne hire ko dekha to uske evaj men usne mor ko chhod diya।

udhar hira le kar baheliya chal gaya to kachhua ne mor ko kahin dur ja kar chhup jane ki salah di। mitr ki bat man kar mor dur chala gaya। raste men baheliye ko lalach a gaya। uske man men vichar aya ki use kachhua se mor ki rihai ke badle men ek nahin do hire lene chahiye the। yah khyal ate hi vah kachhua se milne pokhar par aya। usne kachhua se kaha ki mujhe mor ki rihai ke badle ek ki jagah do hire chahiye the।

uski bat sun kar kachhua samajh gaya ki uske man men lalach a gaya hai। so, kachhua ne baheliye se kaha, “thik hai, main tumhen eske sath ka dusra hira la deta hun, jara mujhe pahla vala hira de do। baheliye ne kachhua ko hira de diya। kachhua ne hira liya aur pokhar men chala gaya aur bahut der tak vapis nahin aya। yah prasang sabhi ko malum ho gaya aur sab kahne lage ki baheliye ko ek hira vapis nahin dena chahiye tha aur n hi kachhua ko do hire dene the। tabhi se yah kahavat mashhur ho gayi: lena ek n dena do।

Post a Comment

0 Comments