Sunday, June 7, 2020

Jo Kuaa khodta he vahi girta he - hindi proverb stories

  Jayesh Dabhi       Sunday, June 7, 2020

Jo Kuaa khodta he vahi  girta he

Jo Kuaa khodta he vahi  girta he
Jo Kuaa khodta he vahi  girta he


ek badshah ke mahal ki chahardivari ke andar ek vajir aur ek karinda rahta tha। vajir aur karinde ke putr men gahri dosti thi। ham umr hone ke karan donon ek sath padhte, khelte the। vajir ke kahne par karinde ka ladka uske sab kam kar deta tha। vah vajir ko chacha kahakar pukarta tha। badshah karinde ke putr ko bahut prem karta tha। badshah ke koi santan nahin thi। esalia ve karinde ke putr ko apne putr ke saman hi samajhte the। badshah ne use mahal aur darbar men ane-jane ki puri chhut de rakhi thi। karinde ke putr ke prati badshah ka prem dekhakar vajir ko bahut irshya hoti thi। vajir chahta tha ki badshah keval uske putr ko hi prem karen। yadi badshah ne uske putr ko god le liya to badshah ki mriatyu ke bad uska putr hi rajagaddi par baithega। vajir ki echchha ke viprit badshah ka prem karinde ke putr ke prati badhta hi gaya। badshah vajir ke putr ko jara bhi pasand nahin karte the। esalia vajir karinde aur uske putr se man-hi-man irshya karne laga।

vajir ne karinde ke putr ko marne ka nishchay kiya। vajir ne karinde ke putr ko rumal aur paise dekar gosht lane ke lia kaha। vajir ne karinde ke putr ko achchhi tarah samjhaya ki gosht bajar men gali ke nukkad vali dukan se hi lana। karinde ka beta rumal aur paise lekar bajar ki or chal diya। usne dekha ki uska mitr vajir ka beta bhi vahan par khel raha hai। vajir ke ladke ne karinde ke putr se kaha ki tum mera danv khelo, main jakar gosht le aunga। karinde ke putr ne use paise aur rumal dekar dukan ka pata bata diya। es prkar vajir ka putr gosht lene chala gaya aur karinde ka putr danv khelne laga। vajir ke putr ne dukandar ko paise aur rumal dekar kaha ki esmen gosht bandh do। kasai ne rumal men bane hua nishan ko pahchan liya। es rumal ko vajir ne kasai ko dikhate hua kaha tha ki jo ladka es rumal ko lekar gosht lene aa tum use maut ke ghat utar dena। karinde ke putr ko marne ke lia vajir ne kasai ko paise bhi dia the। kasai ne andar bhatthi jalakar sari taiyari pahle hi kar li thi।

kasai ne rumal aur paise lekar us ladke ko vahan baithne ke lia kaha aur svayan andar gosht lene chala gaya। tabhi vahan par ladka bhi chala gaya। kasai ne turant us ladke ko uthakar jalti hui bhatthi men jhonk diya। karinde ka putr apna danv khelakar apne ghar ja raha tha ki use raste men vajir mil gaya। karinde ke putr ne puchha―‘chacha, bhaiya gosht le aya?’ etna sunakar vajir ke pairon ke niche se jamin khisak gayi। tabhi karinde ke putr ne kaha ―'chacha bhaiya ne mujhse rumal aur paise le lia the aur kaha ki tum mera danv khel lo, main gosht lekar ghar chala jaunga। mainne bhaiya ko dukan ka pata bhi bata diya tha।' vajir ki ankhon ke age andhera chha gaya aur uske mukh se ek shabd bhi nahin nikla। apne putr ko yad karta hua vajir apne ghar chala gaya। vajir kah raha tha ki jo dusron ke lia kuan khodta hai usmen svayan girta hai।

shiksha :- es kahani se hamen yahi shiksha milti hai ki hamen kabhi kisi ka bura nahin karna chahia। sabhar:- 'kahavton ki kahaniyan'
logoblog

Thanks for reading Jo Kuaa khodta he vahi girta he - hindi proverb stories

Previous
« Prev Post

No comments:

Post a Comment