bure ka ant bura - latest proverb story hindi

bure ka ant bura

bure ka ant bura
bure ka ant bura



kisi jangal men char chor rahte the। ve charon milakar chori karte aur jo bhi saman unke hath lagta use apas men barabar-barabar bant lete the। vaise to ve charon ek-dusre ke prati prem prakat karte the, kintu man-hi-man ek-dusre se irshya karte the। ve charon apne man men yahi sochte the ki yadi kisi din mota mal mil jaa to vah apne sathiyon ko marakar sara mal hadap lega। charon chor mauke ki talash men the। kintu unhen aisa mauka abhi tak nahin mila tha। charon chor bahut hi dusht aur svarthi pravriatti ke the।

ek rat charon chor chori ki echchha men edhar-udhar ghum rahe the। unhonne ek seth ke ghar men sendh lagai aur ghar ke andar ghusakar sona-chandi, hire-javahrat, rupya-paisa sab kuchh lutakar bhag gaye। charon chor pulis se bachne ke lia do din tak jangal men bhukhe-pyase bhatakte rahe।

seth ne chori ki shikayat pulis men darj kara di thi। seth ki pulis vibhag men bhi achchhi jan-pahchan thi। choron ko pakadne ke lia shahar ke chappe-chappe par pulis phaili hui thi। jangal se nikalna choron ke lia khatre se khali nahin tha। choron ki echchha thi ki abhi ve kuchh din jangal men chhipe rahen।

dhire-dhire choron ke pas khane-pine ka saman samapt ho gaya। kuchh din tak to unhonne bhukh bardasht ki, lekin jab bhukh bardasht karna asambhav ho gaya to unhonne shahar se khana mangvane ka nishchay kar liya।

apas men salah karke do chor shahar chale gaye taki vahan ki sthiti ka pata laga saken aur apne sathiyon ke lia bhojan bhi le aan। unhonne shahar jakar bharpet khana khaya aur khub sharab pi। uske bad unhonne yojna banai ki ve apne donon sathiyon ko marakar sara mal khud hadap lenge।

donon ne yojna ko anjam dene ke lia khane men jahar mila diya aur jangal ki or lautne lage। donon chor apne-apne man men yahi soch rahe the ki khana khakar jab ve donon mar jaange to main ese bhi mar dunga aur sara mal hadap kar amir ban jaunga।

udhar jangal men un donon choron ne khana lene gaye hua sathiyon ko marne ki yojna bana li। ve bhi unhen marakar sara dhan hadap lena chahte the।

jab donon chor shahar se khana lekar aa to jangal men thahre hua choron ne apne sathiyon par hamla kar diya aur unhen maut ke ghat utar diya। apne sathiyon ki hatya karke ve donon chor aram se khana khane baith gaye। khane men pahle se jahar mila hone ke karan ve donon bhi tadap-tadap kar mar gaye। esalia kahte hain ki bure ka ant hamesha bura hi hota hai।

shiksha:- es kahani se hamen yah shiksha milti hai ki manushy ko bure kam nahin karne chahia kyonki bure ka ant bura hi hota hai।

Post a Comment

0 Comments